Laster Hendelser

« All Hendelser

  • Beklager. Denne hendelse har allerede funnet sted.

Demonstrasjon i Geneve 06.11.2018

november 6 @ 09:00 - 14:00

Vi baklager men konferensen er full booket. Ingen plass! ئەپسۇسكى ئورۇن قالمىدى

2018 – يىلى 11 – ئاينىڭ 6 – كۈنى ب د ت دا «خىتاينىڭ كىشىلىك ھوقۇق ۋەزىيىتىنى ئومۇمىي يۈزلۈك كۆزدىن كۆچۈرۈش» يىغىنى باشلىنىدۇ. يىغىنغا ب د ت غا ئەزا 200 گە يېقىن دۆلەتنىڭ دېپلوماتلىرى، خەلقى ۋە يۈزلىگەن خەلقئارالى تەشكىلاتلار ۋە مەتبۇئاتلارنىڭ مۇخبىرلىرى قاتنىشىدۇ. بۇ يىغىن شەرقىي تۈركىستان خەلقىنىڭ مىللىي ئىرادىسىنى يەنە بىرقېتىم نامايەن قىلىشنىڭ ئىنتايىن ياخشى پۇرسىتى. بۇ مۇناسىۋەت بىلەن د ئۇ ق 11 – ئاينىڭ 6 – كۈنى ب د ت نىڭ جەنۋەدىكى باش شىتابى ئالدىدا 2 – قېتىملىق «5 مىڭ كىشىلىك نامايىش » ئۆتكۈزۈشنى قارار قىلدى. پۈتۇن ۋەتەنداشلىرىمىزنى ئۇمۇمىيۈزلۈك سەپەرۋەر قىلىش ئۈچۈن ياۋرۇپادىكى شەرقىي تۈركىستان تەشكىلات رەھبەرلىرىدىن تەشكىل تاپقان «نامايىش تەييارلىق كومىتىتى» نى قۇرۇپ چىقتى.
دۇنيا ئۇيغۇر قۇرۇلتىيىنىڭ تەشەببۇسى بىلەن بۇ قېتىمقى «ئۇيغۇرلارغا ئەركىنلىك» دىگەن شوئار ئاساسىدا ئۆتكۈزۈلىدىغان بۈيۈك نامايىشنى ياۋرۇپا دۆلەتلىرىدىكى ئۇيغۇر تەشكىلاتلىرى، جامائەت ۋەكىللىرى ھەمدە سىياسىي ئاكتىپلار بىرلىكتە تەشكىللەيدۇ، ۋە ياۋروپادىكى ئۇيغۇر قېرىنداشلىرىمىزدىن سىرت يەنە، دۇنيا ئۇيغۇر قۇرۇلتىيىنىڭ ساھىپخانلىقىدا 11 – ئاينىڭ 8 – كۈنىدىن 10 – كۈنىگىچە گېرمانىيەنىڭ مىيونخىن شەھىرىدە چاقىرىلىدىغان «شەرقىي تۈركىستان مىللىي كېڭىشى» يىغىنىغا ۋە «دۇنيا ئۇيغۇر ياشلىرى ھەمكارلىق ۋە دوستلۇق ئۇچرىشىشى» غا قاتنىشىش ئۈچۈن دۇنيانىڭ ھەرقايسى ئەللىرىدىن كېلىدىغان ۋەكىللىرىمىزمۇ ب د ت دا ئۆتكۈزۈلىدىغان بۇ قېتىمقى زور نامايىشقا بىرلىكتە ئىشتىراك قىلىدۇ.
ۋەتەن – مىللەتنىڭ دەردىگە تىلىمىزدىكى شۇئار ياكى قەلبىمىزدىكى ھېس -ھاياجانلار دەرمان بولالمايدۇ. ئەمەلىي ھەرىكىتىمىز بىلەن ب د ت ئالدىدا مىللەتنىڭ ئىرادىسىنى، خەلقىمىزنىڭ ئارزۇ – ئارمانلىرىنى شۇنداق بىر ھاياجانلىق جاكارلايلىكى، مىڭلارچە ئاي – يۇلتۇزلۇق كۆكبايراق، جاراڭلىق شۇئار سادالىرىمىز ب د ت بىنالىرىنى لەرزىگە سالسۇن!
شۇ مۇناسىۋەت بىلەن بىز نورۋېگىيەدىكى بارلىق قېرىنداشلىرىمىزنى نورۋېگىيە ئۇيغۇر كومىتېتى بىلەن بىۋاستە ئالاقىلىشىپ 10 – ئاينىڭ 20 – كۈنىدىن بۇرۇن ئۆزلىرىنى نامايىشقا تىزىمغا ئالدۇرۇشلىرىنى ۋە بىر كۈنلۈك سەپەر ھازىرلىقىدا بولۇشلىرىنى ھەم بۇ ھالقىلىق مىنۇتلاردا ۋەتەن ئۈچۈن، خىتايغا قارشى بۇ قېتىمقى «ئۇيغۇرلارغا ئەركىنلىك» دىگەن شوئار ئاساسىدا ئۆتكۈزۈلىدىغان بۈيۈك نامايىشقا دادىللىق بىلەن قاتنىشىشىنى تەلەپ قىلىمىز.

تېخىمۇ تەپسىلى مەلۇماتلار ۋە چاقىرىقلار داۋاملىق تولۇقلىنىپ ئېلان قىلىنىدۇ.

نورۋېگىيە ئۇيغۇر كومىتېتى

 

2018 – yili 11 – ayning 6 – küni b d t da «xitayning kishilik hoquq weziyitini omumiy yüzlük közdin köchürüsh» yighini bashlinidu. Yighin’gha b d t gha eza 200 ge yéqin döletning diplomatliri, xelqi we yüzligen xelq’araliq teshkilatlar we metbu’atlarning muxbirliri qatnishidu. Bu yighin sherqiy türkistan xelqining milliy iradisini yene bir qétim namayan qilishning intayin yaxshi pursiti. Bu munasiwet bilen d u q 11 – ayning 6 – küni b d t ning jeniwediki bash shtabi aldida 2 – qétimliq «5 ming kishilik namayish » ötküzüshni qarar qildi. Pütün wetendashlirimizni omumyüzlük seperwer qilish üchün yawropadiki sherqiy türkistan teshkilat rehberliridin teshkil tapqan «namayish teyyarliq komitéti» ni qurup chiqti.
Dunya uyghur qurultiyining teshebbusi bilen bu qétimqi «uyghurlargha erkinlik» dégen sho’ar asasida ötküzülidighan büyük namayishni yawropa döletliridiki uyghur teshkilatliri, jama’et wekilliri hemde siyasiy aktiplar birlikte teshkilleydu, we yawropadiki uyghur qérindashlirimizdin sirt yene, dunya uyghur qurultiyining sahibxaniliqida 11 – ayning 8 – künidin 10 – künigiche gérmaniyening myunxén shehiride chaqirilidighan «sherqiy türkistan milliy kéngishi» yighinigha we «dunya uyghur yashliri hemkarliq we dostluq uchrishishi» gha qatnishish üchün dunyaning herqaysi elliridin kélidighan wekillirimizmu b d t da ötküzülidighan bu qétimqi zor namayishqa birlikte ishtirak qilidu.
Weten – milletning derdige tilimizdiki sho’ar yaki qelbimizdiki hés -hayajanlar derman bolalmaydu. Emeliy herikitimiz bilen b d t aldida milletning iradisini, xelqimizning arzu – armanlirini shundaq bir hayajanliq jakarlayliki, minglarche ay – yultuzluq kökbayraq, jarangliq sho’ar sadalirimiz b d t binalirini lerzige salsun!
Shu munasiwet bilen biz norwégiyediki barliq qérindashlirimizni norwégiye uyghur komitéti bilen biwasite alaqiliship 10 – ayning 20 – künidin burun özlirini namayishqa tizimgha aldurushlirini we bir künlük seper hazirliqida bolushlirini hem bu halqiliq minutlarda weten üchün, xitaygha qarshi bu qétimqi «uyghurlargha erkinlik» dégen sho’ar asasida ötküzülidighan büyük namayishqa dadilliq bilen qatnishishini telep qilimiz.

Téximu tepsili melumatlar we chaqiriqlar dawamliq toluqlinip élan qilinidu.

Norwégiye uyghur komitéti

2018 – йили 11 – айниң 6 – күни б д т да «хитайниң кишилик һоқуқ вәзийитини омумий йүзлүк көздин көчүрүш» йиғини башлиниду. Йиғинға б д т ға әза 200 гә йеқин дөләтниң дипломатлири, хәлқи вә йүзлигән хәлқаралиқ тәшкилатлар вә мәтбуатларниң мухбирлири қатнишиду. Бу йиғин шәрқий түркистан хәлқиниң миллий ирадисини йәнә бирқетим намайән қилишниң интайин яхши пурсити. Бу мунасивәт билән д у қ 11 – айниң 6 – күни б д т ниң җәнвәдики баш шитаби алдида 2 – қетимлиқ «5 миң кишилик намайиш » өткүзүшни қарар қилди. Пүтун вәтәндашлиримизни умумийүзлүк сәпәрвәр қилиш үчүн яврупадики шәрқий түркистан тәшкилат рәһбәрлиридин тәшкил тапқан «намайиш тәййарлиқ комитити» ни қуруп чиқти.
Дуня уйғур қурултийиниң тәшәббуси билән бу қетимқи «уйғурларға әркинлик» дигән шоар асасида өткүзүлидиған бүйүк намайишни яврупа дөләтлиридики уйғур тәшкилатлири, җамаәт вәкиллири һәмдә сиясий актиплар бирликтә тәшкилләйду, вә явропадики уйғур қериндашлиримиздин сирт йәнә, дуня уйғур қурултийиниң саһипханлиқида 11 – айниң 8 – күнидин 10 – күнигичә германийәниң мийонхин шәһиридә чақирилидиған «шәрқий түркистан миллий кеңиши» йиғиниға вә «дуня уйғур яшлири һәмкарлиқ вә достлуқ учришиши» ға қатнишиш үчүн дуняниң һәрқайси әллиридин келидиған вәкиллиримизму б д т да өткүзүлидиған бу қетимқи зор намайишқа бирликтә иштирак қилиду.
Вәтән – милләтниң дәрдигә тилимиздики шуар яки қәлбимиздики һес -һаяҗанлар дәрман болалмайду. Әмәлий һәрикитимиз билән б д т алдида милләтниң ирадисини, хәлқимизниң арзу – арманлирини шундақ бир һаяҗанлиқ җакарлайлики, миңларчә ай – юлтузлуқ көкбайрақ, җараңлиқ шуар садалиримиз б д т биналирини ләрзигә салсун!
Шу мунасивәт билән биз норвегийәдики барлиқ қериндашлиримизни норвегийә уйғур комитети билән бивастә алақилишип 10 – айниң 20 – күнидин бурун өзлирини намайишқа тизимға алдурушлирини вә бир күнлүк сәпәр һазирлиқида болушлирини һәм бу һалқилиқ минутларда вәтән үчүн, хитайға қарши бу қетимқи «уйғурларға әркинлик» дигән шоар асасида өткүзүлидиған бүйүк намайишқа дадиллиқ билән қатнишишини тәләп қилимиз.

Техиму тәпсили мәлуматлар вә чақириқлар давамлиқ толуқлинип елан қилиниду.

Норвегийә уйғур комитети

 

Detaljer

Dato:
november 6
Tid
09:00 - 14:00
Hendelse Kategori:
Hjemmeside:
www.uigurene.no

Arrangører

World Uyghur Congress
Den norske Uighurkomiteen

Sted

Geneve
Palais des Nations
Genève, 1211 Sveits
+ Google Map